Моцны лясны пажар бушуе на поўдні Францыі

Найбуйнейшы за апошнія 20 гадоў лясны пажар бушуе на поўдні Францыі. Агнём ахоплена 16 тысяч гектараў у дэпартаменце Од.

Загінуў чалавек, яшчэ 9 атрымалі раненні, у тым ліку 7 пажарнікаў, 1 чалавек прапаў без вестак. Згарэлі дзясяткі дамоў і аўтамабіляў. 5 тысяч хатніх гаспадарак засталіся без электрычнасці.

Жыхароў эвакуіруюць з зоны бедства. У рэгіёне дзейнічае чырвоны - найвышэйшы - узровень пагрозы.