Інцыдэнт з пасажырам адбыўся на станцыі метро "Магілёўская"

На станцыі метро "Магілёўская" ў Мінску адбыўся інцыдэнт з пасажырам, паведамляе БЕЛТА са спасылкай на адміністрацыю метрапалітэна.

Здарэнне адбылося 4 сакавіка ў 8:35, адразу ж было знята напружанне з кантактнай рэйкі і часова прыпынены рух цягнікоў па Аўтазаводскай лініі. У 8:42 было пададзена напружанне на кантактную рэйку і адноўлены рух. Аўтазаводская лінія працуе ў штатным рэжыме.

Мінскі метрапалітэн прыносіць выбачэнні пасажырам за часовыя нязручнасці.