Колькасць пацярпелых падчас выбуху ў іранскім порце Шахід-Раджаі ўзрасла да 1139

Трохдзённая жалоба аб'яўлена ў іранскай правінцыі Хармазган пасля таго, як у порце горада Бэндэр-Абас адбыўся выбух. Лік загінуўшых узрос да 28, пацярпелых ужо 1139.

Улады аб'явілі аб закрыцці школ, офісаў і ўніверсітэтаў, ёсць небяспека атручвання атрутнымі газамі. Пажар лакалізаваны на 80 %.

Паводле папярэдніх даных, прычынай трагедыі стала ўзгаранне некалькіх рэзервуараў з перхларатам натрыю, за якім рушыў услед выбух. Ён быў настолькі магутным, што шыбы выбіла ў будынках у радыусе некалькіх кіламетраў.

Спачуванне кіраўніку Ірана, родным і блізкім загінуўшых выказаў Прэзідэнт Беларусі. Аляксандр Лукашэнка адзначыў, што ў нашай краіне гэтуювестку ўспрынялі з глыбокім смуткам. Кіраўнік беларускай дзяржавы перадаў пажаданні хуткага акрыяння пацярпелым і словы падтрымкі ўсім, каго закранула трагедыя.