Моцныя снегапады накрылі курортныя гарады Грузіі

Тры чалавекі загінулі з-за моцных снегападаў на захадзе Грузіі. Моцныя ападкі ў рэгіёне ідуць з мінулага тыдня. Асабліва моцна пацярпелі папулярныя сярод турыстаў Аджарыя, Батумі і Кабулеці.

Дзясяткі горных сёлаў адрэзаны ад цывілізацыі, у некаторых абрынуліся дахі дамоў. Вышыня снежнага покрыва месцамі перавышае два метры. Спынены рух грамадскага транспарту, адменены заняткі ў школах і дзіцячых садах.

Для правядзення выратавальных прац у рэгіён накіраваны сотні пажарнікаў і супрацоўнікі сілавых структур. Яны расчышчаюць дарогі і дапамагаюць даставіць у пацярпелыя раёны медыкаменты і прадукты харчавання.