На Сіцыліі прачнуўся самы высокі дзеючы вулкан у Еўропе. Відавочцы публікуюць відэа

На Сіцыліі пачаў вывяргацца самы высокі дзеючы вулкан у Еўропе. Волат выкінуў з паўднёва-ўсходняга кратэра попел і лаву на вышыню пад 3 тыс. метраў.

Відавочцы распаўсюджваюць уражлівыя кадры ў сацсетках. У рэгіёне аб'яўлены аранжавы ўзровень авіянебяспекі. Але аэрапорт Катаніі працягвае працаваць у штатным рэжыме.

А ў Коста-Рыцы вывяргаецца вулкан Паас. Слуп попелу паднімаецца на вышыню звыш 3 км. Паас - адзін з самых актыўных у Коста-Рыцы. Ён размешчаны ў аднайменным нацыянальным парку, які часта наведваюць турысты з усяго свету.