На станцыі Жодзіна-Паўднёвае пенсіянерка трапіла пад цягнік

На станцыі Жодзіна-Паўднёвае пад цягнік трапіла пенсіянерка. Паведамленне аб інцыдэнце паступіла ратавальнікам раніцай 5 лютага. Грузавы састаў ехаў у бок Оршы.

Паводле папярэдніх даных, 64-гадовая жанчына пераходзіла чыгуначныя пуці ў неналежным месцы. Яна выжыла, але атрымала траўмы. Ступень іх цяжару не ўдакладняецца. Супрацоўнікі МНС аператыўна выцягнулі пацярпелую з-пад лакаматыва і перадалі яе медыкам для шпіталізацыі.

Затрымкі ў руху цягнікоў няма.