Наймагутны ўраган "Хелен" абрынуўся на ЗША - 6 чалавек загінулі

Паўднёвы ўсход ЗША ва ўладзе разбуральнага ўрагану "Хелен". Загінуўшых ужо 6, дзясяткі пацярпелі. Надзвычайнае становішча аб'яўлена ў шасці штатах.

Хуткасць парываў ветру была 225 км/г. Стыхія зрывала дахі з дамоў, абрывала лініі электраперадачы. Без святла засталіся больш за 2 млн дамоў у Фларыдзе, Джорджыі, Паўднёвай і Паўночнай Караліне.

Затоплена мноства дарог і дамоў. Месцамі выпала да 50 см ападкаў.

Некалькі аэрапортаў былі закрыты, а авіякампаніі адмянілі амаль 1,5 тыс. рэйсаў. Больш за 70 тыс. чалавек былі вымушаныя пакінуць свае дамы.