Пажар у нацпарку на ўсходзе Польшчы знішчыў 450 га лесу і набліжаецца да населеных пунктаў

Не сціхае лясны пажар у Бебжанскім нацыянальным парку за 40 км ад мяжы з Беларуссю. Прычына - незаконныя палы леташняй травы.

Агонь знішчыў ужо 450 га лесу і набліжаецца да населеных пунктаў. Пажарным атрымалася крыху запаволіць полымя, але пра ўзяцце пад кантроль гаварыць занадта рана.

У тушэнні задзейнічаны амаль паўтысячы чалавек, але прафесійных пажарных сярод іх толькі 80. Астатнія - вайскоўцы, паліцэйскія і лясная ахова. У Польшчы крытычны недахоп ратавальнікаў.