Прадпрымальнік з Мінска прайграў у анлайн-казіно больш чым 260 тыс. рублёў. Грошы належалі кліентам

Прадпрымальнік з Мінска, плануючы адыграцца ў анлайн-казіно, прайграў больш чым 260 тыс. рублёў, што належалі кліентам. Пра гэта паведамляе БЕЛТА са спасылкай на ГУУС Мінгарвыканкама.

У раённыя ўпраўленні ўнутраных спраў горада паступіла некалькі заяў ад жыхароў беларускай сталіцы, якія праінфармавалі аб махлярскіх дзеяннях з боку 37-гадовага мінчаніна. Пацярпелыя расказалі, што звярталіся да прадпрымальніка, каб той прыгнаў  аўтамабіль з-за мяжы. Мужчына абяцаў даставіць аўто ў Мінск у абумоўленыя тэрміны, але калі кожны раз прыдумваў розныя адгаворкі.

Аператыўнікі сталічнай міліцыі затрымалі мужчыну. Ён прызнаўся, што з 2024 года пакутуе на лудаманію, таму свядома траціў  атрыманыя ад кліентаў наяўныя грошы на стаўкі і нават не збіраўся выконваць абавязацельствы. Агульная сума ўрону перавысіла 260 тыс. рублёў.

Зараз вызначаецца дачыненне бізнесмена да аналагічных злачынстваў, учыненых на тэрыторыі краіны. Узбуджаны шэраг крымінальных спраў па фактах махлярства, учыненага ў буйным памеры.