Пры абрушэнні шахты ў Балівіі загінулі 5 чалавек

Пяць чалавек загінулі, двое пацярпелі пры абрушэнні шахты ў балівійскай правінцыі Ларэкаха дэпартамента Ла-Пас. Аб гэтым паведамляе БЕЛТА са спасылкай на агенцтва Сіньхуа.

Начальнік мясцовай паліцыі палкоўнік Гунтэр Агуда паведаміў, што абрушэнне адбылося на шахце, размешчанай прыкладна за 149 км ад горада Ла-Пас.

Ён распавёў, што пяць чалавек загінулі і яшчэ двое атрымалі траўмы, а падрабязнасці аб аварыі будуць дадзены пазней.