Серыя тэрактаў адбылася на паўднёвым захадзе Калумбіі - 8 чалавек загінулі

Серыя з 18 тэрактаў адбылася на працягу некалькіх гадзін на паўднёвым захадзе Калумбіі. У розных рэгіёнах краіны былі падарваны аўтамабілі. Злачынцы таксама атакавалі гранатамі праваахоўнікаў, якія прыбылі на месцы здарэнняў.

Паводле папярэдніх даных, загінулі 8 чалавек, яшчэ больш як 10 пацярпелі. У ліку ахвяр - супрацоўнікі паліцыі і мірныя грамадзяне.

Паводле інфармацыі СМІ, серыя атак звязана з 3-й гадавінай ліквідацыі баевіка, які быў забіты 3 гады таму падчас армейскай аперацыі.