У Дамінікане абрынуўся дах начнога клуба - загінулі 79 чалавек

Лік ахвяр абвальвання даху ў клубе ў Дамініканскай Рэспубліцы ўзрос да 79, яшчэ 155 знаходзяцца ў бальніцах. Ратавальнікі працягваюць пошукі людзей пад заваламі і мяркуюць, што лік ахвяр яшчэ вырасце.

Трагедыя адбылася ў аўторак, 8 красавіка, каля гадзіны ночы па мясцовым часе на канцэртнай пляцоўцы ў Санта-Дамінга, дзе праходзіла выступленне вядомага музыканта Рубі Пераса. У выніку абвальвання пад абломкамі апынуліся каля 300 чалавек.

Прэзідэнт краіны Луіс Абінадэр падпісаў указ аб трохдзённай нацыянальнай жалобе па ахвярах трагедыі.