У М'янме зафіксавана новае землетрасенне магнітудай 5,2

29 сакавіка ў М'янме адбылося новае землетрасенне. Штуршкі магнітудай 5,2 зафіксаваны за два кіламетры ад сталіцы, паведамляюць сейсмолагі.

Ужо суткі ратавальнікі і добраахвотнікі разбіраюць абломкі будынкаў са спадзяваннем адшукаць пад заваламі тых, хто выжыў. Колькасць ахвяр і пацярпелых ужо вылічаецца тысячамі. У сталіцы краіны няма святла, не працуе інтэрнэт.

Пашкоджаны жылыя і адміністрацыйныя будынкі, бальніцы і інфраструктура, масты і чыгуначныя пуці. Сюды накіроўваюць ратавальнікаў многія краіны планеты, рыхтуецца аказаць дапамогу пацярпелым таксама і ААН.

Не спыняюцца пошукі людзей і на месцы разбураных будынкаў у сталіцы Тайланда. У Бангкоку абваліўся недабудаваны небаскроб - загінулі 10 чалавек, больш як 100 чалавек лічацца знікшымі без вестак. У каралеўстве зафіксавалі 77 афтэршокаў.

Штуршкі таксама адчувалі жыхары В'етнама, Бангладэш, Індыі, Лаоса, і Кітая.