У Мінску падчас руху загарэўся аўтобус

У Мінску гарэў аўтобус. Гэта адбылося падчас руху на скрыжаванні Лагойскага тракта і вуліцы Гамарніка.

Вадзіцель убачыў задымленне ў месцы размяшчэння рухавіка і адразу ж вывеў усіх пасажыраў. Да прыбыцця МНС мужчына спрабаваў справіцца з загараннем з дапамогай вогнетушыцеляў. Полымя тушылі тры адзінкі выратавальнай тэхнікі.

Аўтобус поўнасцю знішчаны агнём. Пацярпелых няма. Прычына інцыдэнту высвятляецца.