У Талачынскім раёне адбылося ДТЗ - загінулі маці з сынам

Маці з сынам загінулі ў сур'ёзным ДТЗ 29 лістапада раніцай у Віцебскай вобласці

У Талачынскім раёне на дарозе М1 54-гадовы вадзіцель Volkswagen, меркавана, заснуў за рулём. Яго машына на хуткасці ўрэзалася ў фуру. Двое пасажыраў легкавушкі (44-гадовая жанчына і яе 21-гадовы сын) загінулі. На месцы працуюць ратавальнікі, следчыя, эксперты, супрацоўнікі ДАІ. Падрабязнасці ДТЗ высвятляюцца.