У Валожынскім раёне аўтобус "Вільнюс - Мінск" з'ехаў у кювет

Раніцай 16 ліпеня на аўтадарозе М6 у Валожынскім раёне адбылося ДТЗ з удзелам аўтобуса, які рухаўся па маршруце Вільнюс - Мінск. Паводле звестак следства, каля 7 гадзін раніцы ў раёне вёскі Міхалова аўтобус з'ехаў у кювет па ходзе руху. Пра гэта паведамляе mlyn.by са спасылкай на Следчы камітэт.

Згодна з папярэдняй інфармацыяй, 52-гадовы вадзіцель аўтобуса, у салоне якога знаходзіўся 51 пасажыр, страціў увагу падчас кіравання, што прывяло да з'езду з трасы.

У выніку ДТЗ адзін пасажыр атрымаў траўмы, ён быў дастаўлены ў бальніцу. Астатнія пасажыры не пацярпелі.

На месцы здарэння працуе следча-аператыўная група. Згодна з папярэдняй версіяй, прычынай аварыі магла стаць стомленасць вадзіцеля.

Усе акалічнасці здарэння высвятляюцца.