Новы храм ведаў: у Асіповічах адкрылі школу больш чым на 1 тыс. месцаў

Сучасная разумная школа 4 лістапада расчыніла дзверы для больш чым 1 тыс. дзяцей у Асіповічах. Менш чым за год узвялі шматфункцыянальны адукацыйны цэнтр.

Тут размясціўся дзіцячы сад, школа мастацтваў, спартыўныя пляцоўкі. Ёсць свая трэнажорная зала. А яшчэ вялікая сталовая і камп'ютарныя класы. Школе ўручылі падарункі - сертыфікаты на набыццё абсталявання. Праект абышоўся беларускай дзяржаве 42 млн рублёў.

У новай школе ўладкавалі адразу некалькі кабінетаў працоўнага навучання, дамаводства. Таксама абсталявалі і этнакуток - школьнікаў будуць навучаць народнаму майстэрству і традыцыям малой радзімы.