У Барысаўскім радзільным доме абнавілі рэнтгенаўскі мамограф

У Барысаўскім радзільным доме ўсталявалі новы рэнтгенаўскі мамаграфічны апарат. Штогод абследаванне тут праходзяць амаль 4 тыс. жанчын.

Для зручнасці пацыентаў само абследаванне перайшло ў лічбу. Новы апарат дазволіць праводзіць якасную дыягностыку захворванняў малочнай залозы і своечасова выяўляць паталогіі. Дарэчы, сёлета радзільны дом атрымаў 16 адзінак сучаснага абсталявання.

Беларусь укладвае важкія рэсурсы ў развіццё аховы здароўя. Сярод галоўных задач - забяспечыць якаснай меддапамогай кожнага, незалежна ад месца пражывання.