У Слоніме адкрылі спартыўны комплекс "Гвардзейскі" для вайскоўцаў

У Слонімскай механізаванай брыгадзе ўвялі ў строй новы стадыён.

Комплекс уключае футбольнае поле, пляцоўкі для валейбола, баскетбола, рукапашнага бою, трэнажорную залу. Абноўленая спартыўная база павялічыць эфектыўнасць трэніровак вайскоўцаў, дазволіць праводзіць розныя спаборніцтвы. У адкрыцці спартыўнага аб'екта прыняў удзел міністр абароны Віктар Хрэнін.

Гэта адзін з самых вялікіх спартыўных комплексаў для вайскоўцаў у Беларусі. Стадыён атрымаў назву "Гвардзейскі".