Якасць вады і ацяпленне - з якімі пытаннямі прыйшлі на прыём барысаўчане да Аляксандра Турчына

23 кастрычніка ў Барысаве грамадзян прымаў губернатар Мінскай вобласці Аляксандр Турчын.

Спектр агучаных пытанняў ад насельніцтва быў шырокі. Якасць пітной вады, праблемы з ацяпленнем і электразабеспячэннем. Гучалі і жыллёвыя пытанні ад тых, хто мае патрэбу ў паляпшэнні ўмоў. На кантроль узялі таксама рамонт дарожнага пакрыцця ў садовым таварыстве. Абмеркавалі будаўніцтва і рэканструкцыю аб'ектаў на тэрыторыі Барысаўскага раёна для вядзення бізнесу.

Асаблівы акцэнт зрабілі і на электразабеспячэнні. Жыхароў турбуюць частыя перабоі ў працы падстанцый. Таксама абмеркавалі і адсутнасць газаправоду на некаторых вуліцах горада.

Большую частку дыялогу з грамадзянамі сёння надалі вырашэнню зямельных пытанняў, сярод якіх і законны падзел участкаў. А таксама добраўпарадкаванню і азеляненню тэрыторый. Кожнае пытанне ўзята на кантроль, адказныя службы атрымалі канкрэтныя даручэнні.