Беларускія цяжкаатлеты вярнуліся з ЧЕ з вялікім медальным багажом

7 узнагарод чэмпіянату Еўропы. З вялікім медальным багажом беларускія цяжкаатлеты вечарам 21 красавіка вярнуліся ў Беларусь.

Абсалютным чэмпіёнам у вазе да 102 кілаграмаў стаў бронзавы прызёр Алімпійскіх гульняў у Парыжы Яўген Ціханцоў. Наш асілак узяў 2 малыя залатыя ўзнагароды - у рыўку і ў штуршку - і забраў медаль найвышэйшай пробы ў суме дваябор'я.

Таксама адзначым, Яўген - трохразовы трыумфатар кантынентальнага форуму. Апроч гэтага, вялікі бронзавы медаль першынства заваявала наша выдатная Сюзанна Валадзько. На яе рахунку таксама і серабро ў практыкаванні "штуршок".

Яшчэ 2 малыя бронзавыя медалі ў практыкаванні "рывок" у беларускую скарбонку паклалі Дзіяна Майсеевіч і Андрэй Фралоў. Адзначым, удзел у чэмпіянаце Еўропы прынялі больш за 300 штангістаў з 42 краін.