У Беларусі пачаўся прыём дакументаў у 46 універсітэтаў

Уступная кампанія набліжаецца да завяршэння. У краіне пачаўся прыём дакументаў у ВНУ.

Свае дзверы для будучых студэнтаў расчынілі 46 універсітэтаў. Усяго ж прымуць у новым навучальным годзе больш за 48 тыс. чалавек.

Самыя папулярныя спецыяльнасці - інжынерныя. Для іх выдзелена больш за 7,5 тыс. месцаў. Запатрабаваныя медыцынскія і педагагічныя кірункі. Па кожным з іх плануецца прыняць звыш 3 тыс. першакурснікаў. Замыкае топ аграрны профіль - амаль 3 тыс. чалавек.

План прыёму сёлета на бюджэт складае каля 32 тыс. месцаў. На платнае аддзяленне – больш за 16 тыс.

У першы дзень прыёмныя камісіі адзначаюць вялікі паток ахвотнікаў падаць дакументы. Вядучая ВНУ краіны - Белдзяржуніверсітэт - у новым навучальным годзе чакае больш за 4 тыс. першакурснікаў, у тым ліку набіраюць і па новых 4 спецыяльнасцях.

Для зручнасці абітурыентаў з гэтага года адкрыты папярэдні запіс на падачу дакументаў праз сістэму электроннай чаргі ў асабістым кабінеце на сайце РІКВ. Падрабязную інфармацыю аб уступнай кампаніі можна знайсці на сайтах універсітэтаў, а таксама атрымаць па тэлефонах гарачых ліній. Прыём дакументаў на бюджэтную форму навучання завершыцца 17 ліпеня, на платную - 1 жніўня.