У Беларусі працягваюцца работы па ліквідацыі наступстваў разбуральных ураганаў

У Беларусі працягваюцца работы па ліквідацыі наступстваў разбуральных ураганаў. Сітуацыя на кантролі Прэзідэнта. Напярэдадні кіраўнік МНС далажыў Аляксандру Лукашэнку аб працы ратавальнікаў у найбольш пацярпелых раёнах. Такіх 27 населеных пунктаў. Прэзідэнт даў даручэнні. Гэта аператыўная ліквідацыя наступстваў разгулу стыхіі, вырашэнне пытанняў, важных для жыццядзейнасці насельніцтва. Асобна кіраўнік дзяржавы звярнуў увагу на аднаўленне электразабеспячэння, перш за ўсё ў Магілёўскай вобласці, якая пацярпела больш за іншыя. Дарэчы, у Магілёве 12 ліпеня праца кіпела. З асноўнымі наступствамі ўжо справіліся, засталося навесці парадак (падрабязнасці ў відэа).