У Мінску ля Ратушы разгарнуўся фестываль кітайскай народнай культуры "Чай для гармоніі свету"

Дэгустацыя сапраўднага кітайскага чаю і магчымасць дакрануцца да культуры старажытнага Усходу. Сотні мінчан і гасцей сталіцы 13 чэрвеня ля Ратушы сабраў фестываль кітайскай народнай культуры.

Ад духмяных байхавых напояў усіх сартоў да страў кітайскай кухні і майстар-класаў (напрыклад, па выпальванні традыцыйных узораў на дрэве і кераміцы), а яшчэ маштабны канцэрт на летняй сцэне Верхняга горада з удзелам студэнтаў Інстытута Канфуцыя з БДУ, БНТУ і Універсітэта замежных моў.

Чайная цырымонія свету праходзіць у Мінску ў такім маштабным фармаце ўжо чацвёрты раз. Мерапрыемства ўмацоўвае ўзаемаадносіны паміж краінамі не толькі ў культурнай сферы, але таксама ў прамысловасці і турызме.