У Мінску пераносяць планавае адключэнне гарачай вады

Графік планавых адключэнняў гарачай вады ў Мінску зменены з улікам умоў надвор’я. Вясна сёлета нетыповая, адстае ад кліматычнай нормы, уначы месцамі фіксуюцца замаразкі. З 8 мая сталічнай мэрыяй прынята рашэнне аб аднаўленні падачы цяпла ў сацыяльныя аб'екты. Батарэі зноў гарачыя ў дзіцячых садах, школах і бальніцах. У сувязі з гэтым майскія прафілактычныя работы і рамонт цепласетак перанесены на больш позні тэрмін, паведамілі ў РУП "Мінскэнерга".

Андрэй Сухаў, в. а. намесніка галоўнага інжынера філіяла "Мінскія цеплавыя сеткі" РУП "Мінскэнерга":

8 мая прынята рашэнне Мінскім гарадскім выканаўчым камітэтам аб уключэнні ацяплення на аб'ектах сацыяльнай сферы. Сувязі з гэтым планаваныя тэрміны адключэння гарачага водазабеспячэння, якія пачыналіся з 15 мая, таксама будуць перанесены на больш позні тэрмін. Аб гэтым будзе паведамлена дадаткова, пасля таго як прымецца рашэнне Мінскім гарвыканкамам аб адключэнні ацяплення на аб'ектах сацыяльнай сферы.

Новая інфармацыя аб адключэнні гарачай вады для спажыўцоў будзе аб'яўлена пасля прыняцця Мінгарвыканкамам рашэння аб заканчэнні абагравальнага сезона ў сталіцы.