17 лютага ў Жэневе стартуе новы раўнд перамоў ЗША і Ірана па ядзернай праграме

17 лютага ў Жэневе павінен адбыцца другі раўнд перамоў ЗША і Ірана па ядзернай праграме Тэгерана. Пасрэднікам пры кансультацыях выступае Аман.

Амерыканскі бок узначаліць спецпасланік прэзідэнта ЗША Стывен Уіткаф, Іран прадставіць кіраўнік МЗС Абас Аракчы.

Напярэдадні перамоў ён абмеркаваў з кіраўніком МАГАТЭ ядзерную праграму Тэгерана. Паводле ацэнкі іранскага боку, Вашынгтон выпрацаваў больш рэалістычную пазіцыю адносна гэтага пытання.

Кіраўніцтва Ірана гатова на кампрамісы для дасягнення ядзернай дамоўленасці з ЗША, калі амерыканцы будуць гатовыя абмяркоўваць здыманне санкцый.

Паводле інфармацыі CNN, у рамках патэнцыяльнага пагаднення Тэгеран і Вашынгтон могуць абмеркаваць магчымасць дазволу ЗША доступу да прыродных рэсурсаў Ірана.