24 сакавіка - гадавіна бамбардзіроўкі Югаславіі - якую падтрымку аказаў Лукашэнка ў цяжкі час?

Найбуйнейшы ўзброены канфлікт у Еўропе пасля Другой сусветнай вайны. 24 сакавіка 1999 года самалёты НАТА без санкцыі Савета Бяспекі ААН пачалі бамбардзіроўку Югаславіі. Гэта прывяло да гібелі больш як 3,5 тыс. чалавек, уключаючы дзяцей.

Пры гэтым авіяўдары наносіліся Паўночнаатлантычным альянсам пад маркай "барацьбы за правы чалавека". У самы разгар канфлікту, фактычна пад бамбёжкамі НАТА, Аляксандр Лукашэнка, адзіны лідар, прыляцеў у Бялград, каб сустрэцца са Слабаданам Мілошавічам і выказаць падтрымку людзям. Гарантый бяспекі нашаму Прэзідэнту не давалі. Ён прыляцеў па закрытым небе, каб "хоць на міліметр наблізіцца да міру".

Тую падтрымку ад нашай краіны ў Сербіі памятаюць і сёння. Удзячнасць нават праз столькі гадоў адчуваецца абсалютна ва ўсім. Паміж дзяржавамі наладжана трывалае палітычнае і эканамічнае ўзаемадзеянне, галоўнае - сябруюць нашы народы.