Армія Ізраіля паведаміла аб гібелі 6 вайскоўцаў на поўдні Лівана

ВПС Ізраіля ўначы нанеслі  3 моцныя удары па паўднёвым прыгарадзе Бейрута.

Выбухі былі такімі моцнымі, што іх чулі ў цэнтральных раёнах ліванскай сталіцы. Нанесены ўдар па лагеры бежанцаў ля шашы, якая вядзе ў міжнародны аэрапорт Бейрута. Аб колькасці пацярпелых не паведамляецца.

Паводле звестак ЦАХАЛ, на паўднёвых ускраінах ліванскай сталіцы знаходзяцца аб'екты шыіцкай арганізацыі "Хезбала" і пражываюць яе прыхільнікі.

Суткамі раней ад ізраільскіх удараў у Ліване загінулі 78 чалавек, больш як 120  атрымалі раненні. У сваю чаргу ізраільская армія паведаміла аб гібелі 6 вайскоўцаў падчас баявых дзеянняў на поўдні Лівана.