Банкету больш не будзе? У Латвіі могуць паменшыць фінансаванне партый з-за неапраўданых растрат

У Латвіі могуць скараціць фінансаванне партый, з такой ініцыятывай выступіла Бюро па прадухіленні і барацьбе з карупцыяй.

Ведамства патрабуе ўвядзення найстражэйшых правіл справаздачнасці. Так, увогуле 13 партый і партыйных аб'яднанняў у 2025 годзе атрымаюць больш за 6,5 млн еўра. Пры гэтым высветлілася, што грошы падаткаплацельшчыкаў марнуюцца на банкеты, паслугі кейтэрынгу для навагодніх вечарынак і мерапрыемствы для згуртавання членаў партый, а таксама дэкаратыўныя шторы за некалькі тысяч еўра. А партыя "Прагрэсіўныя" і ўвогуле наладзіла для сваіх членаў дрэг-шоу, на якім выступалі мужчыны ў жаночых уборах.