Бастуюць усе - тысячы італьянцаў патрабуюць павышэння зарплаты

29 лістапада ў Італіі ўсеагульная забастоўка. Удзел у ёй прымаюць супрацоўнікі дзяржслужбы, адукацыі, грамадскага транспарту.

Па ўсёй краіне перабоі ў аўтобусным руху, метро і паромных перавозках. На некалькі гадзін былі паралізаваны і авіязносіны. У буйных гарадах запланаваны дзясяткі акцый пратэсту.

Тысячы італьянцаў патрабуюць павысіць зарплаты і павялічыць укладанні ў сацыяльную сферу, у прыватнасці, у ахову здароўя і адукацыю.