Эмісараў Вашынгтона чакаюць на днях у Маскве і Кіеве

Спецпасланнік прэзідэнта ЗША Дональда Трампа Сціў Уіткаф павінен наведаць Маскву 6 жніўня. У гэты ж час другі спецпасланнік Кіт Келаг, магчыма, будзе весці перамовы з Зяленскім у Кіеве. Відаць, гэта чарговая спроба Дональда Трампа дасягнуць міру ва Украіне.

8 жніўня - гэта дата, якую прэзідэнт ЗША вызначыў як крайні тэрмін для заключэння пагаднення паміж Масквой і Кіевам.

Між тым 4 жніўня прэс-сакратар прэзідэнта Расіі Дзмітрый Пяскоў заявіў, што сустрэча Пуціна з Зяленскім верагодная, але яна павінна быць дбайна прапрацаваная экспертамі.