Ізраіль пагадзіўся прадоўжыць рэжым спынення агню ў сектары Газа на перыяд велікодных святаў

Ізраіль пагадзіўся на прапанову ЗША прадоўжыць рэжым спынення агню ў сектары Газа на перыяд Рамадана і Песаха.

Мяркуецца, у першы дзень падоўжанага рэжыму вызваляць палову заложнікаў, астатніх - пасля пастаяннага спынення агню. У руху ХАМАС пакуль не далі згоды на рэалізацыю плана.

Тым часам у сектары Газа пасля гадавога перапынку аднавіліся заняткі ў школах. За парты вярнуліся сотні дзяцей. Сітуацыя ў сферы адукацыі застаецца складанай - у рэгіёне разбурана больш як 85 % школ. Каб дзеці маглі працягнуць навучанне, улады прыцягваюць валанцёраў і адчыняюць часовыя класы ў лагерах бежанцаў.