Нарвегія спыняе прымаць бежанцаў з Заходняй Украіны

Нарвегія больш не будзе прымаць бежанцаў з Заходняй Украіны.

Такую заяву зрабіла міністр юстыцыі краіны. Бяспечнымі для вяртання, паводле рашэння нарвежскага ўрада, лічацца Львоўская, Валынская, Цярнопальская, Ровенская, Івана-Франкоўская і Закарпацкая вобласці.

Міністр растлумачыла: яе краіна з насельніцтвам 5,5 млн чалавек з пачатку канфлікту прыняла ўжо каля 85 тыс. украінскіх бежанцаў. Прычым кожны 10-ты быў з абласцей, размешчаных удалечыні ад лініі фронту.

Больш за тое, сярод просьбітаў сховішча расце доля мужчын прызыўнога ўзросту. Паводле даных нарвежскіх СМІ, з-за новаўвядзенняў у найбліжэйшы час краіну будуць вымушаны пакінуць звыш тысячы ўкраінцаў.