Новы генеральны сакратар НАТА атрымаў у спадчыну мноства праблем

У штаб-кватэры НАТА ў Бруселі прайшла цырымонія перадачы паўнамоцтваў генеральнага сакратара арганізацыі. Енса Столтэнберга змяніў былы прэм'ер-міністр Нідэрландаў Марк Рутэ.

З 2010 года Рутэ ўзначальваў чатыры розныя ўрады на сваёй радзіме, але сёлета ў ліпені пайшоў у адстаўку, пасля таго як яго кааліцыя распалася з-за рознагалоссяў у пытаннях міграцыі.

Кандыдатуру былога прэм'ера на пасаду генеральнага сакратара НАТА адобрылі не ўсе члены альянса. Супраць выказаліся Эстонія, Румынія, Турцыя, Венгрыя і Славакія.

Выданне The Conversation адзначае, што Рутэ заняў новую пасаду ў момант, калі ў НАТА цэлы шэраг праблем: ваенныя дзеянні ва Украіне, супрацьстаянне з Кітаем. Таксама адзначаецца, што адносіны альянса з Еўрасаюзам працягваюць ускладняцца, а патэнцыйная перамога Трампа на выбарах стане пагрозай для самога існавання НАТА.