Новыя антырасійскія санкцыі ЗША пагражаюць Еўропе

Новыя амерыканскія санкцыі супраць Расіі ставяць пад пагрозу саму Еўропу. Аб гэтым папярэджвае ў сваім відэазвароце кіраўнік венгерскага МЗС Петэр Сіярта.

Петэр Сіярта, міністр замежных спраў і знешнеэканамічных сувязяў Венгрыі:

"Найбліжэйшымі днямі і тыднямі мы будзем цесна супрацоўнічаць з нашымі рэгіянальнымі партнёрамі, каб мінімізаваць уплыў энергетычных санкцый на рост цэн на паліва. Такім чынам мы абараняем венгерскі народ і жыхароў Цэнтральнай Еўропы ад таго, што санкцыі ЗША прывядуць да росту цэн на бензін або дызельнае паліва тут, у рэгіёне".

"Мы выдатна ведаем, што рост цэн на паліва не толькі шкодзіць краінам, робячы жыццё людзей няшчасным, ускладняючы яго і павялічваючы іх выдаткі, але і наносіць урон агульным эканамічным паказчыкам, - заўважыў кіраўнік МЗС. - І мы жадаем гэтага пазбегнуць".

Дарэчы, дзеянні цяперашняй адміністрацыі Белага дома настолькі неабдуманыя, што шкодзяць усім. Нават сам Джо Байдэн прызнаў: з-за новых санкцый супраць расійскага паліўна-энергетычнага комплексу бензін падаражэе і ў ЗША.