Сацсетка Х выплаціць Трампу 10 млн долараў за блакіраванне акаўнта

Сацсетка Х пагадзілася выплаціць Дональду Трампу кампенсацыю за блакіраванне акаўнта - гэта 10 млн долараў. Як удакладняе The Wall Street Journal , менавіта такая сума прапісана ў дасудовым пагадненні па іску гаспадара Белага дома да кампаніі.

Нагадаем, акаўнт Трампа быў заблакіраваны пасля штурму Капітолія ў студзені 2021 года. Пасля чаго Трамп падаў іск супраць кампаніі, якая тады называлася Twitter і яшчэ не належала Ілану Маску.

Адвакаты прэзідэнта ЗША таксама будуць дабівацца ўрэгулявання яго іску да Google з-за блакіравання канала ў YouTube.