Славакія гатова да канструктыўнага дыялогу з Беларуссю

Славакія хоча аднавіць канструктыўны дыялог з Беларуссю. Пра гэта са спасылкай на аддзел камунікацый Міністэрства замежных спраў піша Інфармацыйнае агенцтва Славацкай Рэспублікі.

Удакладняецца, што Браціслава накіроўвае ў Мінск пасла. Як чакаецца, ім стане Ёзэф Мігаш, які раней ужо займаў гэтую пасаду. У чэрвені 2020 года ён быў удастоены ордэна Францыска Скарыны за значны асабісты ўклад ва ўмацаванне дружалюбных адносін і развіццё супрацоўніцтва паміж Беларуссю і Славакіяй.

Кіраўнік славацкага МЗС падкрэсліў: "Мы хочам аднавіць канструктыўны дыялог з беларусамі як на двухбаковым, так і на шматбаковым узроўнях, паколькі сёння неабходна даць месца дыпламатыі, дыялогу і перамовам для дасягнення першых вынікаў, напрыклад, у надзвычай важных мірных перамовах і хутчэйшым спыненні вайны ва Украіне".