У Еўропе прайшлі антываенныя пратэсты супраць канфлікту Ізраіля і Ірана

Абвастрэнне на Блізкім Усходзе справакавала новыя антываенныя пратэсты.

У Парыжы на маршы супраць працягу канфлікту ў сектары Газа ўдзельнічалі тысячы чалавек. Паліцыя цясніла мітынгоўшчыкаў шчытамі, у ход пайшлі дубінкі, прымяняліся і дымавыя шашкі.

У Лондане пратэставалі супраць атакі Ізраіля на Іран. На Парламенцкай плошчы сабраліся сотні людзей з палесцінскімі і іранскімі сцягамі. Дэманстранты заклікалі ўрад Вялікабрытаніі спыніць узбройваць Ізраіль на фоне эскалацыі канфлікту ў рэгіёне.