У Літве зафіксаваны небяспечны вірус

У Літве выяўлены першы ў 2024 годзе выпадак захворвання на воспу малпаў.

Рэдкую хваробу за апошнія 2 гады дыягнаставалі ў краіне 6 разоў.

Пры гэтым пік заражэння на воспу прыпаў на 2022 год, калі ў 35 еўрапейскіх дзяржавах назіралася ўспышка віруса.

Зараз воспу ў прыбалтыйскую краіну прывёз турыст з Іспаніі. Ён звярнуўся да медыкаў са скаргамі на высыпку і высокую тэмпературу.