Украіна ўпершыню далучылася да вучэнняў НАТА

Вучэнні НАТА па барацьбе з беспілотнікамі прайшлі ў Нідэрландах. Удзел узялі 19 краін альянсу, паведаміла прэс-служба НАТА. Падчас вучэнняў было выпрабавана больш як 60 сістэм і тэхналогій процідзеяння дронам. Сярод іх - датчыкі, сістэмы навядзення, глушылкі і кіберперахопшчыкі. Такія зборы праходзяць штогод, але раней Украіна не была ў іх задзейнічана. Першы ўдзел Кіева ў гэтых манеўрах - гэта частка дарожнай карты інавацыйнага супрацоўніцтва "Украіна - НАТА", адобранай на вашынгтонскім саміце.