Ураган "Мілтан" дасягне берагоў Фларыды ў найбліжэйшыя 36 гадзін - прагназуецца сіла 6-й катэгорыі

Адна з найбуйнейшых эвакуацый у гісторыі праходзіць зараз у амерыканскай Фларыдзе. Штат рыхтуецца да ўдару магутнай стыхіі.

У сувязі з набліжэннем урагану "Мілтан" рэкамендавана эвакуіравацца больш чым 5,5 млн жыхарам. У некалькіх дзясятках акруг аб'яўлена надзвычайнае становішча.

На пятай частцы аўтазаправак раскупілі ўвесь бензін. Урагану прагназуюць сілу шостай катэгорыі, якая яшчэ не існуе - пакуль максімальная хуткасць ветру ў ім дасягала 270 км/г.

Чакаецца, што "Мілтан" дасягне берагоў Фларыды ў найбліжэйшыя 36 гадзін. Паводле прагнозаў, у некаторых раёнах узровень затаплення можа перавысіць адзнаку 2,7 м, а месцамі нават звыш 4,5 м.