ЗША пачалі размяшчаць у Еўропе найноўшую ядзерную зброю

ЗША пачалі размяшчаць у Еўропе найноўшую ядзерную зброю. Размова ідзе пра мадыфікаваныя гравітацыйныя бомбы B61-12. Аб гэтым паведамілі ў амерыканскім Нацыянальным упраўленні ядзернай бяспекі. Кожная з гэтых ядзерных авіябомб з плутоніевым стрыжнем мае магутнасць да 50 кілатон. Гэта ўтрая больш за тую, што была скінута на Хірасіму.

Агульная колькасць смяротных снарадаў, якія перамяшчаюцца ў Еўропу, не раскрываецца. Паводле звестак за 2023 год, каля 100 тактычных авіябомб папярэдняй мадэлі знаходзіліся ў падземных сховішчах на авіябазах саюзнікаў ЗША па НАТА - у Германіі, Бельгіі, Нідэрландах, Італіі і Турцыі. Асноўны арсенал ядзерных авіябомб B61 пры гэтым па-ранейшаму застаецца на тэрыторыі кантынентальнай часткі Штатаў.