Якiя ёсць актуальныя прапановы для працаўладкавання

Набыць прафесію ці новае месца працы. 26 лістапада ў Мінску адкрыўся маштабны кірмаш вакансій. На адной лакацыі сотні прапаноў для старту кар’еры, у тым ліку ў калектывах такіх прадпрыемстваў, як Трактарны завод, "Атлант" і Galanteya. Дарэчы, сёлета кірмаш вакансій праходзіць у кожнай вобласці краіны.

Ад прамысловасці і будаўніцтва да гандлю і аховы здароўя. Амаль сотня прадпрыемстваў і арганізацый сталіцы прапануюць сёння вакансіі на гарадскім кірмашы. Для зручнасці суіскальнікаў 8 тэматычных секцый, дзе дапамогуць і правільна скласці рэзюмэ, і знайсці працу.

Месца для афлайн-сустрэчы з патэнцыяльнымі калегамі і работадаўцамі традыцыйнае - культурна-спартыўны цэнтр Мінскага аддзялення Беларускай чыгункі. Прэзентацыя вакансій з акцэнтам на візуал на прасторы ў два паверхі.

Асаблівая ўвага працаўладкаванню па магчымасцях. Так, для людзей паважанага ўзросту - сезонная занятасць і праца на няпоўны працоўны дзень. Для моладзі - кар'ерны старт на лета.

У 2024 годзе ўпершыню кірмаш вакансій інклюзіўны і праходзіць зараз па ўсёй краіне. Да 29 лістапада ў кожным рэгіёне Мінскай вобласці будуць прапаноўваць вакантныя месцы працы.