15 кастрычніка - Дзень працаўнікоў фармацэўтычнай і мікрабіялагічнай прамысловасці

Ім давяраюць самае каштоўнае - здароўе! У працаўнікоў фармацэўтычнай і мікрабіялагічнай прамысловасці 15 кастрычніка прафесійнае свята!

Віншаванне прадстаўнікам сферы накіраваў Прэзідэнт.

Беларуская фарміндустрыя развіваецца сістэмна і дынамічна. На варце лекавай бяспекі лічацца 35 прадпрыемстваў дзяржаўнай і прыватнай формаў уласнасці. Усяго ў Беларусі зарэгістравана больш як 4 тыс. лекавых прэпаратаў, з іх 1750 выпускаюць айчынныя вытворцы. Стаўку робяць на якасць і экспарт.

Апошнім часам доля айчынных лекаў і на ўнутраным рынку падтрымліваецца на ўзроўні не менш як 50 %. За 5 гадоў у Беларусі асвоілі і зарэгістравалі больш як 400 новых прэпаратаў. Гавораць і аб шматлікіх перспектывах развіцця фармгаліны - да 2030 года ў нашай краіне рэалізуюць 22 інвестыцыйныя праекты з агульным коштам больш як 900 млн рублёў.