"Белмедпрэпараты" вырабляюць больш за 15 найменняў лекаў для лячэння анкалагічных захворванняў

Адно з найбуйнейшых фармацэўтычных прадпрыемстваў Беларусі - "Белмедпрэпараты" - вось ужо 95 гадоў клапоціцца аб найважнейшых каштоўнасцях: аб здароўі і жыцці чалавека.

На беларускім рынку доля айчынных лекаў займае каля 70 %. На экспарт ідзе каля 40 %. Геаграфія паставак шырокая - звыш 20 краін (ад Расіі да В'етнама). А разам з замежнымі калегамі паспяхова рэалізуюцца сумесныя праекты. Лінейка прадпрыемства штогод пашыраецца.

"Мы ганарымся тымі лекавымі прэпаратамі, якія створаны намі і вырабляюцца сёння на прадпрыемстве па поўным тэхналагічным цыкле. Гэта частка лекавых прэпаратаў для лячэння анкалагічных захворванняў. Мы надаем вялікую ўвагу пашырэнню нашай лінейкі", - расказаў гендырэктар РУП "Белмедпрэпараты" Аляксандр Жадан.

Сёння на прадпрыемстве вырабляецца больш за 15 найменняў лекавых прэпаратаў, якія ўваходзяць у базавыя стандарты лячэння анкалагічных захворванняў.

А ўвогуле на 12 сучасных вытворчых пляцоўках вырабляецца каля 350 найменняў лекаў. Поспехі і дасягненні прадпрыемства - гэта ў першую чаргу заслуга яго калектыву. Сёння гэта больш чым 2 тыс. чалавек.