Эпідэміёлаг: На тэрыторыі Беларусі цыркулююць два вірусы грыпу

Якая сітуацыя з захворваннем на ВРВІ зараз у Беларусі, расказаў журналістам загадчык аддзялення імунапрафілактыкі Рэспубліканскага цэнтра гігіены, эпідэміялогіі і грамадскага здароўя Кірыл Ігнатаў, перадае БЕЛТА.

"У цэлым эпідэміялагічная сітуацыя ў нашай краіне па захворванні на рэспіраторныя інфекцыі адпавядае бягучаму перыяду года", - адзначыў ён.

Па словах спецыяліста, сёння захворванне на рэспіраторныя інфекцыі больш чым на 20 % ніжэй за эпідэмічны ўзровень.

На тэрыторыі краіны цыркулююць як вірусы грыпу - А(H1N1), А(H3N2), грып B, так і негрыпозныя вірусы.

"Такая сітуацыя ў прынцыпе з'яўляецца прагназуемай, і яна адзначаецца ў нас штогод. Гэта значыць у перыяд з канца студзеня - пачатку лютага ў нас адзначаецца штогадовы ўздым захворвання на рэспіраторныя інфекцыі", - паведаміў Кірыл Ігнатаў.