Лічбавыя тэхналогіі ў глыбінках - як у Беларусі развіваецца медыцына

Сучасная дыягностыка, высокатэхналагічныя аперацыі, безбар'ернае асяроддзе і лічбавыя тэхналогіі. У Беларусі ў развіцці медыцыны стаўка робіцца на сучаснае абсталяванне ўстаноў усіх узроўняў.

Сёння па даступнасці медыцынскай дапамогі наша краіна традыцыйна не ўступае большасці развітых краін, а па многіх паказчыках нават пераўзыходзіць. Развіццё сістэмы аховы здароўя ў Беларусі ідзе пастаянна. І павышэнне якасці медыцынскіх паслуг рэалізуецца, у тым ліку, за кошт абнаўлення матэрыяльна-тэхнічнай базы і рашэння кадравых пытанняў.

Зараз абслугоўванне пацыентаў сучаснае і камфортнае не толькі ў буйных гарадах, але і ў глыбінцы. ФАПы, амбулаторыі агульнай практыкі таксама закранула татальнае абнаўленне. Адначасова ідзе і лічбавізацыя. Зараз ствараецца лакальная сетка для раённай аховы здароўя. Гэта дазволіць аб'яднаць у віртуальнай прасторы ўсе ўстановы, зрабіць лічбавыя прадукты максімальна даступнымі і на сяле - электронны запіс да ўрачоў, на абследаванні, электронныя рэцэпты, кансультацыі.

Дарэчы, па колькасці трансплантацый органаў на 1 мільён насельніцтва Беларусь лідзіруе не толькі на постсавецкай прасторы, але і апярэджвае шматлікія еўрапейскія краіны. У РНПЦ анкалогіі і медыцынскай радыялогіі імя Аляксандрава штогод за кошт дзяржбюджэту выконваецца больш як 12 тыс. складаных аперацыйных умяшанняў.

Акрамя таго, кожны месяц у рэспубліцы праводзяць больш як 1,2 тыс. эндапратэзаванняў тазасцегнавага сустава і 370 каленнага. А нядаўна спецыялісты РНПЦ траўматалогіі асвоілі замену плечавага сустава сумесна з калегамі з Германіі.