Салдаценка: Здаровая жанчына - гэта здаровая і шчаслівая сям'я

Жанчына павінна быць актыўнай, прыгожай і здаровай. У пярэдадзень свята рэспубліканская акцыя Беларускага саюза жанчын "Здароўе жанчыны - здароўе нацыі" працягвае пашыраць межы. У праекце ўжо і Віцебская вобласць.

Праект пабываў у Міёрах і Ушачах, дзе была агучана несуцяшальная статыстыка. Штогод парадку 800 жанчын краіны даведваюцца пра страшны дыягназ - "рак шыйкі маткі". Аднак даказана, што гэтай хваробы можна пазбегнуць, калі своечасова пачаць прафілактыку або лячэнне. Акцыя нацэлена на тое, каб шлях жанчыны да ўрача быў максімальна аператыўным і камфортным.

Іна Салдаценка, намеснік дырэктара РНПЦ анкалогіі і медыцынскай радыялогіі імя М. М. Аляксандрава:

"У нашай жанчыны адвеку склалася, пэўна, што ўсё-такі яна на другім месцы пасля вось гэтых усіх асноўных праблем і плюс яе сям'і. Таму, калі мы пачынаем гаварыць, што здароўе - гэта архіважна, і здаровая жанчына - гэта здаровая сям'я, гэта шчаслівая сям'я, тады жанчына пачынае ўжо звяртаць на сябе ўвагу ў першую чаргу".

Пасля дыялогу актывісты БСЖ пабывалі на мемарыяле "Прарыў". У год 80-годдзя Вялікай Перамогі гэта тэма, як і здароўе, тэма нумар адзін.