Адсутнасць тавараў, неналежная якасць. У прафсаюзы можна паведаміць аб сітуацыі на спажывецкім рынку

Адсутнасць тавараў, недастатковы асартымент, неналежная якасць або значнае павышэнне цэн. Заўвагі і прапановы па паляпшэнні сітуацыі на рынку тавараў і паслуг 20 сакавіка прымаюць прафсаюзы.

Па ўсёй краіне галіновыя спецыялісты правядуць грамадскія прыёмы. Падрабязная інфармацыя пра месца і час размешчана на афіцыйным інтэрнэт-партале Федэрацыі. Таксама паведаміць аб спрэчнай сітуацыі можна па тэлефоне або праз спецыяльную анлайн-форму на партале ФПБ.

Акрамя таго, падчас грамадскіх прыёмаў паступаюць звароты аб рэжыме працы аўтакрам у сельскай мясцовасці, асартыменце беларускіх тавараў у асобных гандлёвых пунктах і аб якасці некаторых прадуктаў.