Аграрыі Беларусі намалацілі першы мільён тон збожжа

Паводле даных на раніцу 23 ліпеня з зерневых палёў рэспублікі прыбрана 1 млн 9 тыс. т хлеба. На поўдні краіны прыбіраюць хутчэй усіх.

У Гродзенскай вобласці сабрана амаль 260 тыс. т новага ўраджаю, на Брэстчыне - 245 тыс. т. Не адстае і цэнтральны рэгіён, Мінская вобласць на сёння прыбрала 239 тыс. т збожжа. Актыўна ўключыліся ў працэс і аграрыі Магілёўскай і Віцебскай абласцей.